PGTRB முதுகலை பட்டதாரி ஆசிரியர்களுக்கு மறு தேர்வா - ஆசிரியர் தேர்வு வாரியம் விளக்கம்

  கடந்த 27- ஆம் தேதி முதல் 29-ஆம் தேதிவரை நடைபெற்ற முதுநிலைப் பட்டதாரி ஆசிரியர் பணியிடங்களுக்கு மறு தேர்வு நடத்தப்படாது என ஆசிரியர் தேர்வு வாரியம் தெரிவித்துள்ளது. இந்தத் தேர்வுக்கு மொத்தம் 1 லட்சத்து 85 ஆயிரத்து 466 பேர் விண்ணப்பித்திருந்தனா். ஆனால் 1 லட்சத்து 47 ஆயிரத்து 580 தேர்வர்கள் மட்டுமே இத்தேர்வை எழுதினர். 37 ஆயிரத்து 886 பேர் தேர்வு எழுதவில்லை என ஆசிரியர் தேர்வு வாரியம் தெரிவித்துள்ளது. அனைத்து தேர்வு மையங்களிலும் தேர்வர்களுக்கு 3 மணி நேரம் வழங்கப்பட்டு தேர்வு நடத்தி முடிக்கப்பட்டுள்ளது என்று ஆசிரியர் தேர்வு வாரியம் தெரிவித்துள்ளது. சென்னை, ஆவடி போன்ற சில தேர்வு மையங்களில் சிறு தொழில்நுட்ப கோளாறுகள் ஏற்பட்டன ஆனாலும் அது உடனுக்குடன் சரி செய்யப்பட்டது. அனைத்து இடங்களிலும் தேர்வுகள் நல்ல முறையில் நடந்து முடிந்து இருப்பதால் மறுதேர்வு நடத்தப்பட வேண்டிய அவசியம் இல்லை என்று ஆசிரியர் தேர்வு வாரியம் தெரிவித்துள்ளது.