இந்த ஆண்டு முதலே 5 மற்றும் 8ம் வகுப்பு மாணவர்களுக்கு பொது தேர்வு

            5 மற்றும் 8-ஆம் வகுப்புகளுக்கு மாணவர்களுக்கு இந்த ஆண்டே பொது தேர்வு நடைபெறும் என்று பள்ளி கல்வித்துறை அமைச்சர் செங்கோட்டையன் அறிவித்துள்ளார். பள்ளி கல்வித்துறை அமைச்சர் செங்கோட்டையன் செய்தியாளர்களுக்கு பேட்டியளித்து பேசுகையில், மத்திய அரசு கொண்டுவந்துள்ள அனைவருக்கும் கல்வி என்ற திட்டத்தில்  5 மற்றும் 8-ஆம் வகுப்புகளுக்கு  இந்த ஆண்டே பொதுத்தேர்வுகள் நடைபெறும். 3 ஆண்டுகள் இந்த மாணவர்களுக்கு விதிவிலக்கு அளிக்கப்பட்டுள்ளது. பொது தேர்வு நடைபெறும் அனைத்து மாணவர்களும் தேர்ச்சி பெறுவார்கள் என பள்ளி கல்வித்துறை அமைச்சர் செங்கோட்டையன் அறிவித்துள்ளார். இதன் மூலம் ஆசிரியர்கள் கற்றல் திறன் மாணவர்கள் மேம்பட வாய்ப்பாக அமையும். அணைத்து ஏழை எளிய மாணவர்களும் எதிர்காலத்தில் போட்டி தேர்வை சந்திக்கும் வாய்ப்பாக இது அமையும்.